Impaay ni Vice President Sara Duterte ti confidential funds na iti Department of Education iti maymaysa a petsa ngem agduduma a lugar a nainget a pinagkedkedan ti Commission on Audit (COA).
Natakuatan iti dokumento nga impasa ti DepEd iti COA a a naidatag iti impeachment court a mangkitkita iti kaso a sangsangoen ni VP Sara iti panagaramat ti pondo ti publiko nga umabot iti 1, 080 acknowledgement receipts (ARs).
Maipalagip a nagipasa ni VP Sara ti nadakamat a bilang ti resibo kas panangsurot iti 2024 Audit Observation Memorandum (AOM) tapno suportaran ti panag-gastos ti ahensia iti confidential funds iti umuna ken maikadua a quarter ti tawen 2023.
Naipasa met ti nadakamat a listaan ti ARs iti impeachment court iti napasamak a direct examination ni private prosecutor Lorna Kapunan iti prosecution witness Xylene del Campo, maysa nga auditor ti COA Intelligence and Confidential Funds Audit Office.
