Naiwayat ti search warrant operation iti pagtaengan ti maysa nga indibidwal gapu ti panaglabsingna ti Republic Act 9165 wenno Comprehensive Dangerous Drugs Act of 2002 idiay Magsingal, Ilocos Sur.
Ti suspek ket agtawen iti duapulo ket tallo, mannalon ken agindeg iti nasao a lugar.
Iti pannaki-uman ti Bombo Radyo Vigan ken ni PLt. Richard Pajo iti Magsingal Municipal Police Station, dandani makabulan a namonitor ti subject person sakbay a naiwayat ti search warrant.
Ti drug evidence a naala ket maysa a nakalukat a bassit a transparent plastic sachet a naglaon ti mapapati a shabu ken dua nga improvised straw scoop ken cotton buds a naglaon met laeng ti mapapati a shabu.
Naala pay ti non-drug evidence a maysa a small plastic portable vault, cotton bud ken Yamaha Mio motorcycle.
Manamnama a dumalan ti drug test ti suspek nga ita ket addan iti kustodiya dagiti otoridad. Reynand Fontejon
