--Ads--
VIGAN CITY- Lima a sachet iti maatap a shabu, tallo a sachet ti maatap a bulong ti marijuana ken naduma-duma a drug paraphernalia ti naala dagiti pannakabagi ti linteg iti panangiyimplimentar da ti search warrant iti pagtaengan da Allen Reyes idiay Bonifacio, Cabugao.
Segun ken ni Police Inspector Romar Renon, deputy chief of police ti Cabugao municipal police station, saan da a nadanun ti suspek iti panangiyimplimentar da ti search warrant nu di ket ti asawa ken nagannak na laeng ket pinaglibakan da nga agus-usar iti iligal a droga ti suspek.
Nagaplikar dagiti otoridad idiay Cabugao ti search warrant kontra ti suspek ta naamuan da a nagsubli iti iligal nga aramid kalpasan iti isusuko na kadakuada babaen ti Oplan Tokhang.
