Napalaus iti panagyaman ti Schools Division Office – Pangasinan 2 ta nangabak manen iti Secondary Girls iti Basketball Team-da iti maikapat nga agsasaruno a tawen iti R1AA.
Iti pannaki-uman ti Bombo Radyo Vigan ken ni Coach Jhonaris Sison, maikapaten a gundaway nga irepresentarda iti rehiyon para iti Palarong Pambansa ta manipod pay 2023 ket mangmangabaken iti team-da isu a pagyamananna ta nangabak manen ita a tawen.
Segun ken ni Sison, napintas iti resulta ti panagsansanay ken panagsakripisyo dagiti players-da ta aminado a napalaus iti panangipaayda iti amin para iti kompetisyon.
Impaganetgetna a naaddaan iti team iti nasayaat a karakter ta no addaan iti dayta ket sigurado a nasayaat met iti ibungana.
Nagyaman pay ni Sison iti probisiada, iti SD0-Pangasinan 2, ken amin a timmulong para iti pagsayaatan iti players-da tapno maipangabakda ti ay-ayam.
