Saan a pakampante ti Schools Division Office – Laoag iti baet a targetda a magun-od iti maikatlo a gundaway nga agsasaruno nga overall champion iti R1AA.
Iti pannaki-uman ti Bombo Radyo Vigan ken ni John Paul Viernes a Chief Education Supervisor – DepEd Laoag, maragsakanda ta iti maikadua nga aldaw iti event ket adun dagiti naalada a medalya a gappuanan iti panagbalinda nga umuna a puesto iti medal tally iti agdama.
Segun ken ni Viernes, namnamaenna a kabaelanda a mapagtalinaed ti puestoda ta adu pay iti pakisalipan dagiti atletada.
Patienna a makabawbawida iti biang ti Individual events ta dagiti nakaalan iti medalya ket manipod iti athletics, arnis, taekwondo ken weightlifting.
No pay kasta ket ti kangrunaan a napateg para ken ni Viernes ket iti kinatalged dagiti atleta ta kayatna a no kasano iti kinasayaat ti kasasaadda a simmangpet iti probinsia ket kasdiay to met laeng inton agawidda ken rumbeng a bitbitda iti napintas a kapadasanda iti panagawidda.
