VIGAN CITY – Sangapulo ket innem ti nakemmeg idiay Maynganay Norte, Sta. Maria a naaktuan a nagsusugal babaen iti naiwayat nga Anti Illegal Drug Operations.
Iti pannaki-uman ti Bombo Radyo Vigan ken ni PLt. Joel Dasargo, OIC, Sta. Maria Police Station, adda ti naawatda a report nga adda iti nagsusugal isu a nangisayangkatda iti operasyon a gappuanan iti pannakakemmegda ngem adda ti nakalibas a kakaduada pakairamanan ti kapitanda iti nasao a lugar.
Dagiti nakkemeg ket nabigbig a da Francisco Dar, agtawen iti innem a pulo ket lima, naasawaan, tricycle driver; Rey Arreola, agtawen iti limapulo ket uppat, naasawaan, tricycle driver; Danilo Ambrocio, agtawen iti innem a pulo ket maysa, balo, Brgy.Kagawad; Emilio Padron, agtwen ti limapulo ket tallo, naasawaan, agtagilako; Romulo Atendido, agtawen ti innem a pulo ket innem, naasawaan, mannalon;Charito Cabasa, agtawen iti uppat a pulo ket pito, naasawaan, driver; Amante Dosono, agtawen ti walopuo, naasawaan, mannalon nga agpapada nga agnaed idiay Brgy. Tinaan; Rodel Viloria, agtawen ti limapulo ket lima, awanan trabaho;Eliseo Andrion, agtawen ti innem a pulo ket dua, naasawaan, awanan trabaho; Francis Diego, agtawen ti uppat a pulo ket walo, baro, awanan trabaho; Juanito Mendoza, agtawen ti innem a pulo ket tallo, naasawaan, mannalon; Resty Villaruz, agtawen ti limapulo ket pito, naasawaan, awanan trabaho nga agpapada nga agnaed iti Brgy. Maynganay Norte;
Malaksid kadakuada, nakemmeg pay ni Ferdinand Mendoza, agtawen ti limapulo ket innem, naasawaan, mannalon; Melchor Padron, agtawen ti limapulo ket innem, naasawaan, mannalon; Ernesto Dasalla, agtawen ti pitopulo, naasawaan, Brgy Captain iti Maynganay Sur ken at large; Teodorico Devis, agtawen ti innem a pulo ket pito, naasawaan, mannalon ken agnaed iti Barangay Cabaroan ken Eddie Chan, agtawen ti limapulo, naasawaan, karpintero ken agnaed iti Brgy. Nagtupacan iti ili ti Sta. Maria.
Naala kadakuada iti sangapulo ket tallo a baraha, maysa a set iti mahjong tiles, pito a lamisaan, sangapulo ket tallo a monobloc chairs ken ti pusta nga uppat a ribo dua gasut sangapulo ket uppat a pisos.
