Imbilin ti Sandiganbayan ni Senador Rodante Marcoleta nga agpalawag no apay a saan isuna a masapul a temporario a suspensoen iti puwesto na kas senador bayat a madengdengngeg ti kaso na a plunder a naipila kontra kenkuana.
Iti bilin ti korte, naikkan ni Senador Marcoleta ti sangapulo nga aldaw tapno agpalawag.
Maipalagip a simmango ti senador iti arraignment ken nangipila ti not guilty plea para iti kaso a plunder ken panaglabsing iti Anti-Graft and Corrupt Practices law a mangiparparit kadagiti opisial ti gobierno nga umawat ti aniaman a regalo wenno aniaman a pabor iti posision na.
Immunan a nangipila ti Office of the Ombudsman ti kaso a plunder gapu ta maipagarup nga immawat ni Marcoleta ti kabuklan a P75 milyon a saan a naideklarar a donasion idi isuna pay laeng ket kongresista.
Sumangsango pay ti kasina a kaso gapu ti maipagarup a panagawat na ti P25 milyon manipud iti negosiante a ni Joseph Espiritu a maiparit iti salinong ti anti-gift law.
