Nakigtot ti maysa a mahistrado ti Sandiganbayan iti kinaadu a sagsagabaen a sakit ni dati a Department of Public Works and Highways (DPWH) Secretary Manuel Bonoan, a karaman kadagiti akusado iti kaso a plunder ken graft maipanggep iti mapapati a maanomalia a flood control projects.
Iti binasa a dokumento ni Sandiganbayan President Justice Geraldine Econg iti Second Division, karaman kadagiti sakit ni Bonoan ti chronic kidney disease (CKD), prostate cancer, diabetes, hypertension,a cute coronary syndrome ken spine condition.
Ti dati a DPWH secretary ket agdama a naka-confine iti The Medical City ken kinumpirmaran dayta iti otoridad.
Kinuna ti korte nga agkiddawda iti updated medical report manipod Philippine National Police (PNP) tapno mabigbig ti pudno a kasasaad ti dati nga opisyal.
Maipalagip a sumangsango ni Bonoan iti P573-miollion plunder ken graft cases maipanggep iti maanomalia a flood control projects a nakairamanan dagiti akusado a da Senador Jinggoy Estrada ken dadduma pay a dati nga opisyal ti DPWH.
