VIGAN CITY – Inmandar ti Sandiganbayan ti pannakakemmeg dagiti agama a dati a Mayor Zuriel Zaragoza ken Edgardo Zaragoza pakairamanan ti dati a Municipal Accountant Melody Cadacio ken education research assistant Mario Cabinte.
Inpila ni dati a Narvacan Mayor Luis Chavit Singson iti kaso kontra kadagiti dati nga opisyales iti nasao nga ili a nainaig ti 81 milyon a pisos a pondo a mapapati a saan nga usto a pannakaaramatna.
Nagtakder a witness iti nasao a kaso ni dati a farmers association president Constante Cabitac no sadino nadakamatna iti sangapulo a daras a panangi-withdraw ti kwarta pakiaramanan ti aggatad tallo pulo ket lima a milyon a pisos a cheque a kasukat ti grocery allowance a kwinesyonaran dagiti uppat nga akusado.
Ingkalintegan dagiti uppat nga akusdao a naawat dagiti mannalon a benepisyaro ti 81 milyon a pisos ti kwarta, farm equipment ken naaramat iti usto.
Nailatang ti dua gasut sangapulo a ribo a pisos a piyansa para iti temporaryo a pannakawayawayada.
