VIGAN CITY- Naideklerar ti San Ildefonso a maikasangapulo ket maysa nga ili iti probinsiya a drug-free municipality ket kinarit ni Department of Interior and Local Government provincial director Virgilio Sison dagiti umili, lokal a gobierno ken kapulisan a pagtalinaeden iti kinadalus ti ili manipud iti iligal a droga.
Segun ken ni Sison, saam a maideklerar a drug-free ti ili nu saan a gapu iti pannakitinnulong ken pannakikaysa iti amin iti programa ti Duterte Administration kontra iti iligal a droga.
Inaklon met ti DILG provincial director nga uray no nalpas ton ti termino ni Presidente Rodrigo Duterte ket saan to pay laeng a naparmek ti iligal a droga ngem ti napateg ket saanen a karaman ti ili ti san ildefonso kadagiti parikut ti administrasyon.
Dinayaw met ni PDEA Representative Atty. Allan Anchera dagiti simmuko a drug personality ta pinili da ti nagbalbaliw ta no saan ket tallo laeng ti pagtinnagan da nga isu ti pagbaludan, mental hospital ken kamposanto no lumaban da kadagiti otoridad.
Kabayatanna, inbasa ni Supt. Jojit del Prado, deputy provincial director for adminsitration iti mensahe ni Ilocos Sur Police Provincial Office provincial director Clint Bayacsan a nangkablaawan na ti ili ti San Ildefonso a drug free ket patien na nga isun ti pagrugian ti panagbalbaliw ken baro a namnama.
