Pinasingkedan ti Department of Social Welfare and Development (DSWD) a nagturpos manipod conditional cash transfer program iti gobierno ti pamilia ti Sampaguita vendor a kinumprontar ti maysa a mall security guard idiay Mandaluyong City.
Ti agtawen iti duapulo ket dua a babai ket kinugtaran ken pinapanaw ti security guard bayat ti panaglakona iti sampaguita.
Segun ken ni 4Ps national program manager Gemma Gabuya, ti pamilia ti babai ket household-beneficiary ti Pantawid Pamilyang Pilipino Program (4Ps).
Manipod 2014 agingga 2024, nakaawat ti pamiliana ti cash grants ken dadduma pay nga interventions kalpasan a nauram iti pagtaenganda.
Kinuna ni Gabuya a naipaay kadakuada ti P15,000 grant iti salinong ti Sustainable Livelihood Program, Enhanced Support Service Interventions a P15,000 ken P6,500 Alternative Family House assistance para iti pagabang iti pagtaengan.
