Suportaran ti Safe Schools Philippines ti Senate Bill No. 2805 a gagem a maamyendaran ti charter ti Movie Television Review and Classification Board a gagem a masalakniban dagiti ubbing manipod kadagiti delikado nga online content.
Iti salinong ti gakat, maaddaan ti bileg ti MTRCB nga irehistro dagiti content provider ken video-on-demand streaming platforms ngem saanna a sakup ti pre-approval ti content.
Gagem dayta a makitinnulong kadagiti streaming companies tapno tutokan ken i-report dagiti content a possible a makapadakes kadagiti agtutubo.
Segun ti Safe School Philippines, napateg ti nasao nga addang tapno masalakniban dagiti ubbing manipod visual violent, nalaswa a linaon ti maysa a content, cyberbullying ken dadduma pay nga online content.
