Inrusat ni Presidente Ferdinand Marcos Jr. ti inisyatibo a “Sa Bagong Pilipinas, Bawat Bayan Makikinabang,” a gagemna a papigsaen ti kapasidad dagiti local government units babaen iti nangatngato a suporta tapno agbalin nga epektibo a marisut dagiti kasapulan dagiti komunidad.
Pinasingkedan ni Presidente Marcos ti napateg nga akem dagiti LGU kas frontliners iti serbisio publiko nga ammo ti sitwasion iti ground level ken umuna a makangeg dagiti arunga-ing dagiti tattao.
Impaganetget ni Marcos nga ti uneg ti nasurok tallo dekada, ti Local Government Support Fund (LGSF), kas nayon iti National Tax Allocation (NTA), ket agserserbi a rangtay iti nagbaetan ti national government ken lokal a komunidad nga ag-pondo ti adu a proyekto a makatulong iti panangpasayaat ti biag dagiti umili.
Ita a tawen, in-ngato ti gobierno ti allocation ti LGSF iti nasurok P34 bilyon ket adda ita ti kabuklan a pondo a P58 bilyon, kangatoan iti pakasaritaan.
