Naideporten ti Bureau of Immigration nga agsubli idiay Russia ti vlogger a ni Vitaly Zdorovetskiy kalpasan ti mano a bulan a pannakaibaludna.
Nakemmeg ni Zdorovetskiy a mabigbigbig iti panangipost-na iti prank videos iti social media, idi Abril 2025 kalpasan a nag-viral gapu iti panang-harass-na kadagiti sumagmamano a Pilipino idiay Taguig City.
Inalaanna iti video ti bagina bayat ti panang-harass-na iti maysa a security guard, panangbastosna iti Pilipina a nakasuot iti facemask, panagtakaw iti electric fan, ken panang-hijack iti maysa a traysikel a naidungpar iti nakaparking a dyip.
Segun iti BI, aminado ti Rssian vlogger kadagiti inaramidna iti inquest proceedings.
Saan met a pinatgan ti ahensia ti aplikasionna a piansa kabayatan ti kaaddana iti kustodia iti BI warden’s facility iti Camp Bagong Diwa, Bicutan.
