Romualdez, nakasagana a sumango iti Ombudsman ken pinasingkedanna nga awan ti ebidensia kontra kenkuana iti flood control controversy

Nakasagana a sumango ni former House Speaker ken Leyte 1^st District Representative Martin Romualdez iti maisaysayangkat a preliminary investigation ti Office of the Ombudsman mainaig ti maipagarup nga anomalya kadagiti flood control project.

Segun ken ni Atty. Ade Fajardo, abogado ni Romualdez, sungbatan ti kongresista ti amin nga alegasion kontra kenkuana ngem dumawat laeng ti maysa a patas a proseso.

Pinasingkedan pay ni Fajardo nga awan ti plano ni Romualdez a rummuar iti pagilian ken agtultuloy nga aramiden na ti akem na kas mangibagi ti umuna a distrito ti Leyte.

Kagiddan daytoy, impaganetget ti kampo ti dati nga speaker nga awan ti ebidensia a mainaig iti agpampanday linteg iti maipagarup nga irregularidad iti flood control projects.