Karaman ni dati nga House Speaker Martin Romualdez ken sumagmamano nga opisial a gabinete iti listaan dagiti naimbitaran a witnesses/resource persons para iti maika-siam a public hearing ti Senate Blue Ribbon Committee, ita nga aldaw, Hunyo 8.
Daytoy a panagdenggeg ken idauloan ti baro a committee chair a ni Senador Erwin Tulfo.
Ito oras ti alas-9 ti bigat, trataren ti komite ti privilege speeches ken proposed senate resolution ti sumagmamano a senador ken kongresista nga adda pakainaiganna iti anomalya kadagiti government project partikular iti flood control projects.
Matratar dagiti alegasion ti naawagan a “maleta witnesses” a nakatuding met a tumestigo mainaig iti saan a maipagarup a panangipatulod ti kickback wenno kuwarta a nakaikabil kadagiti maleta.
Karaman iti kangrunaan a napaayaban a witnesses/resource person da Romualdez, Representative Zia Alonto Adiong, Representative Jose Alvarez, Representative Jam Baronda ken Representative Leila de Lima.
Napaayaban pay dagiti miembro ti gabinete ken opisial pakairamanan da DPWH Secretary Vince Dizon, Acting DOJ Secretary Fredderick Vida, Budget Secretary Kim Robert de Leon, Ombudsman Jesus Crispin Remulla ken NBI Director Melvin Matibag.
Manamnama pay nga agbalin a resource persons da Atty. Levito Baligod, sumagmamano a dati nga enlisted personnel ti Philippine Marine Corps, dati a DPWH-MIMAROPA Regional Director Gerald Pacanan ken Rev. Fr. Flaviano Antonio Villanueva.
