--Ads--
Binalaw ni Senador Robin Padilla ti panangibaga ti gobierno a “generally peaceful” ti umuna aparliamentary elections iti Bangsamoro Autonomous Region in Muslim Mindanao (BARMM) kalpasan nga adda dagiti natay ken nadunor.
Segun ken ni Padilla, saan a nasken nga ibilang a peaceful ti gobierno gapu ta adda dagiti natay, nadunor, ken dadduma pay nga insidente ti kinaranggas.
Lima a tattao ti natay ken 18 ti nadunor kadagiti insidente nga adda pakainaiganna iti eleksion idi Setyembre 14.
Kabayatanna, pinasingkedan ti Malakanyang a maibasar iti immuna nga assessment ti Philippine National Police ken Comelec, generally peaceful ken orderly ti eleksion, idinto nga Impaganetget ni Padilla a nasken a bigbigen dagiti naimaldit a parikut ken kinaranggas.
-- ADVERTISEMENT --
