Nag-rally dagiti rinibo a South Koreans iti sangwanan ti National Assembly idiay Seoul tapno ipanawagan ti pannakapatakyas ni President Yoon Suk Yeol.
Kagiddan dayta ti panagkaykaysa dagiti agpampandaylinteg iti maysa a plenary session tapno pagbotosan ti mosyon ti impeachment ken ni Yoon gapu iti gulo nga intundana iti panangideklararna iti martial law.
Mapatta-patta nga umabot iti 149,000 ti napan kadagiti lugar ti protesta iti alas singko y media iti malem.
Gapu dayta, temporaryo a naipasarra ti kalsada nga agturong iti Seogang Bridge a lumasat iti Han River.
Kinondenar ti Federation of Korean Trade Unions, ti Presidente ken kunana a ti panagkiddaw iti pammakawan iti publiko ket tapno laeng malapdan ti pannakaipasa ti impeachment motion.
Kabayatanna, indeklarar ti Korean Bar Association ti suportada para iti impeachment ni Yoon.
