Rinibo a pisos a gatad ti iligal a droga, naala iti buy-bust operation idiay Tagudin

VIGAN CITY – Innem a gasut ket lima pulo ribo a pisos a gatad iti iligal a droga iti naala dagiti otoridad iti naiwayat a buy-bust operation idiay Barangay Del Pilar, Tagudin.

Ti nasao nga operasyon ket indaulwan ti Tagudin municipal police station ken dagiti sabali pay a law enforcement unit ditoy probinsiya tattay alas dose dyes iti tingnga iti aldaw.

Nakemmeg iti operasyon da Xandrex Albay nga agtawen ti tallo pulo ket dua kenni Jimyr Beninsig nga agtawen ti dua pulo ket dua nga agpada a taga- Batangas St., Tondo, Manila.

Malaksid iti nasao a gatad iti iligal a droga a nakaikabil ti sangapulo ket uppat heat sealed transparent plastic sachet nga agdagsen ti sangagasut a gramo, naala pay kadagiti suspek ti pito pulo ket walo ribo a pisos a boodle money ken sangaribo a pisos a genuine money.

Mapapati a dagiti dua ket miyembro ti illegal drug group a konektado ti drug trafficking ditoy probinsiya.