Kwinestionaran dagiti sumagmamano nga agpampanday linteg ti nagbalin a proseso ti panagbayad ti piyansa ni Vice President Sara Duterte idiay Quezon City Regional Trial Court.
Iti baet ti proseso, doble-doble nga impaganetget ni VP Sara nga awan ti talek na iti gobierno, kapulisan ken uray pay iti korte.
Maysa kadagiti saan nga immanamong iti tignay ti bise presidente ket ni Bicol Saro Party-list Representative Terry Ridon, no sadino kwinestionaran ti saan a panagisayangkat ti mughsot kas paset ti booking process.
Kabayatanna, binabalaw met ni Akbayan Party-list Representative Perci Cendaña dagiti imbalikas ni VP Sara a saan isuna a nakarina iti seguridad bayat iti ipapan na iti Quezon City Regional Trial Court para iti panag-piyansa na.
Ti statement ti dua nga agpampanday linteg ket kasaruno ti panagdar-ay ti bise presidente iti korte para iti proseso ti panag-piyansa na ken ti nagbalin a sarita na iti kina-awan ti talek na iti institusion ti gobierno.
