Maammuan iti agtultuloy nga impeachment trial ni Vice President Sara Duterte no maiyabot dagiti dati nga special disbursing officer (SDO) tapno insalakan ti Bise Presidente iti isyu ti kuwestionable a panagaramat ti confidential funds.
Daytoy ti pinasingkedan ni prosecutor ken Bicol Saro party-list Rep. Terry Ridon gapu ta manamnama a sumango iti impeachment court da Gina Acosta a dati nga SDO ti Office of the Vice President ken ni Edward Fajarda, dati nga SDO ti Department of Education (DepEd).
Dagiti dua ket impa-subpoena ti prosecution kas hostile witness no sadino manamnama a sumango da inton Miyerkules, Agosto 12 gapu ta saan pay a nalpas ti Panagtestigo ni Commission on Audit (COA) Auditor Xylene Mae del Camp.
Idi napalabas a domingo ket maipagarup a pinarruar ni Senator-Judge Imee Marcos iti panagsaludsod na iti witness ti prosecution a ni COA Auditor Atty. Roderick Wamil a da Acosta ken Fajarda ti responsable iti confidential funds.
