Bimmaba iti 12 percent ti pakabuklan a rice inventory ti pagilian, katukad iti 1.92 milion metric tons idi Setyembre, manipud iti 2.18 MMT idi napan a bulan.
Segun iti Philippine Statistics Authority, kangrunaan a rason ti 36 percent a panagbaba ti stock iti NFA warehouse ken 0.6 percent a panagbaba iti household inventories, idinto a ngimmato iti 0.1 percent ti commercial stocks.
Nagballaag met ti Department of Agriculture a mabalin a bumaba iti 700,000 MT ti rice production gapu iti El Niño, a mabalin a mangnayon iti pressure iti domestic supply ken presio ti bagas.
Pinasingkedan ni NFA Administrator Larry Lacson a papigsaen ti ahensia ti procurement ken storage capacity-na, ken target-da a makagatang iti agingga 500,000 MT nga irik ken manamnama nga umabot iti 592,000 MT ti pakabuklan a procurement inton dumteng ti katapusan ti 2026.
