Impangato ti Philippine National Police (PNP) ti gungguna para iti pannakakemmeg ti babai a mapapati ti dakkel nga akem iti panangdukot ken pammapatay iti negosyante a ni Anson Que ken driver na a ni Armanie Pabillo.
Segun ken ni PNP Spokesperson PBGen. Jean Fajardo, ti reward money iti panangsapul ken ni Wenli Gong alyas Kelly Tan Lim/ Bao Wenli/ Axin, Huang Yanling ket nagbalinen a P10 million manipod iti dati a P5 million.
Ni alyas Kelly iti nagbalin a pa-in tapno maallkoy ni Anson Que a mapan iti maysa a pagtaengan idiay Bulacan nga isu iti lugar a nangpapatayanda.
Isu pay iti rason ti pannakayakar ti ranson money manipod iti maysa a digital wallet a naipan iti cryptocurrency kas financial scheme a mainaig iti krimen.
Naudin a nakita ni alyas Kelly idi April 21 idiay Boracay.
Malaksid ken ni alyas Kelly ket masapsapul pay ti maysa a Chinese a suspek a ni Jonin Lim.
