Simmango ni dati a senador Ramon Bong Revilla Jr. iti Department of Justice para iti preliminary investigation iti kaso a plunder mainaig iti maanomalya a flood control projects.
Kinumpirma ti lead counsel ni Revilla a ni Atty. Francesa Senga a nagipasa ti dati nga agpampanday linteg ti counter affidavit na iti prosekusyon mainaig iti kaso a sangsangoen-na.
Ngem nakigtot ti kampo ni Revilla ti statement dagiti tallo a co-respondent’s a saan dan nga agipasa ti sungbat kalpasan a discharge iti salinong ti Witness Protection Program.
Dagiti co-respondent’s ket pakabilangan da dati a Department of Public Works and Highways Undersecretary Roberto Bernardo, Gerard Opulencia ken Engr. Henry Alcantara.
Pinasingkedan ni Senga nga iti uppat a respondents, tallo ti adda iti Witness Protection Program kabayatan a maysa laeng ti mabati.
