Nagkedked dagiti abogado da dati a senador Ramon Revilla Jr ken innem a pada na nga akusado a dati nga opisyal ti Department of Public Works and Highways Bulacan 1st District Engineering Office para iti plea bargaining iti kaso a graft.
Ti plea bargaining ket maysa a proseso kadagiti kriminal a kaso a kadawyan dagiti akusado ken umamin iti nagbasolan da iti maysa a kaso kasukat ti nalaglag-an a dusa wenno pannaka-ibasura ti sabali a kaso.
Daytoy ket kasapulan nga anamongan ti biktima, akusado, prosecutor ken aprubado iti Judge a mangdengdengeg ti kaso.
Dinamag ti korte ti paset dagiti akusado no ikonsiderar da ti plea bargaining ngem negatibo ti nagbalin a sungbat ti depensa.
Pinasingkedan ti abogado ni Revilla a ni Atty. Francesca Señga, awan ti plano da ita nga agipila ti nayon a mosion iti Korte.
