VIGAN CITY-Dakkel iti panagyamaniti kabagyan iti retirado a mechanical engineer ken maysa nga US citizen iti Bombo Radyo Vigan gapu ta nasolbar iti problema a nakairamananna idiay Ninoy Aquino International Airport Terminal 2.
Segun kenni Ernally Serrano Giron, connecting flight iti uliteg na a ni Ruffino Rondaris, agtawen 79, retired mechanical engineer ken tubo iti Ayusan Norte, Vigan City, idiay Laoag International Airport, ngem saan a nakasangpet isuna gapu ta adda iti kustodiya ti NAIA kalpasan a naalaan iti 36 a piraso ti bala ti paltog iti uneg ti bag na.
Ni Rondaris ket kada innem a bulan a rumuar sumrek iti pagilian agsipud ta maysa nga US citizen ket daytoy iti umuna a gundaway nga adda iti kasta a napasamak kenkuana.
Innayon ni Ernally a timmawag kenkuana ti National Capital Region Aviation Security Unit ket inbalakad da a mapan idiay airport inaig iti kaso ni Rondaris ket sapulen na laeng iti maysa a SPO1 Reynaldo Cos wenno SP01 Allen Binuhe.
Idi kinapatang ni Giron ni Rondaris ket nasdaaw daytoy kadagiti bala a naala kenkuana agsipud ta awan met ti paltog na.
Gapu iti dayta, tinawagan ti Bombo Radyo Vigan ni Supt. Benaflor Banaogan ,dati nga opisyal idiay NAIA ket isunan iti nangtawag kadagiti dati a tao na idiay NAIA Terminal 2 ket dita a naduktalan nga iti naala ni Rondaris a bag ket kukua iti anak na a maysa nga US Army.
Nasolbar met nga insigida ti kaso ni Rondaris ket manamnama a makasangpet isuna ditoy syudad inton bigat.
Kabayatanna, kinuna ni Giron a saan da a nagkamali iti inasitgan agsipud ta iti Bombo Radyo Vigan ket mapangnamnamaan dagiti agkasapulan ti tulong.
