Naalaan iti P27,000 a gatad ti nasurok-kumurang uppat a gramo ti mapapati a shabu ti maysa a retirado a PNP personnel a nagprobokar iti Rivero Street, Barangay IX, Vigan City, Ilocos Sur
Ti suspek ket agtawen iti limapulo ket maysa, agnaed iti ili ti Santa.
Segun kadagiti witness, nakitada ti suspek a nakaiggem iti kutsilyo nga aglaaw-laaw iti kalsada ken mapmapan iti uneg ti compounds.
Inaramat pay ti suspek ti kutsilyo ken dakkel a bato a nangbansag iti nakaparking a kotse isu a nadadael.
Nakumpiskar ti patadem nga inaramat ti suspek ket idi makapkapan, naala kenkuana ti pito a piraso ti heat sealed transparent plastic sachet a naglaon iti mapapati a shabu.
Malaksid dayta, nakumpiskar pay dagiti tallo nga ID, dua a lighter, cellphone, card box, ken pitaka a naglaon iti kuarta.
