Maysa a retirado a government employee ti nakemmeg iti naiwayat a drug buy-bust operation iti San Juan, Ilocos Sur, maibilang a drug-cleared nga ili.
Ti suspek ket agtawen iti pitopulo ket dua, dati a drug surrenderee, agnaed iti San Juan.
Naala kenkuana ti nasurok kumurang 0.69 a gramo ti mapapati a shabu nga aggatad iti P4,692 a naipalaon iti sangapulo ket maysa a piraso ti heat-sealed transparent plastic, maysa a blue improvised glass tooter a naglaon iti mapapati a shabu residue, maysa a napittak nga improvised glass tooter a naglaon iti shabu residue, maysa a crumpled foil a naglaon iti mapapati a shabu residue, duapulo ket pito a nalukatan a transparent plastic sachet a naglaon iti mapapati a shabu residue ken maysa nga improvised straw scoop.
Dagiti non-drug evidence ket pakairamanan ti maysa a caliber 45 armscor nga adda maysa a magazine para iti caliber 45 a nakargaan iti pito a live ammunition, maysa a 12 Gauge Pistol chamber, tallo a live ammunition ti caliber 45, walo a live ammunition ti caliber 38, black holster, puspuro, lighter, green tube, bubble wrap, nalukatan a large transparent plastic sachet, sigarilyo ken supot ti ice.
