--Ads--
Impaganetget ni Department of the Interior and Local Government (DILG) Secretary Jonvic Remulla a masapul ti reporma iti biang ti Philippine National Police (PNP) kagiddan ti panangtutok ti code of ethics, freedom ken code of service a nakabasar iti kas ti SAF 44.
Dayta iti pinasingkedan ni Remulla bayat ti panaglagip kadagiti SAF 44 a nangisakripisyo iti biagda para iti pagilian.
Segun ken ni Remulla, ti sakripisyo ti SAF 44 ket rumbeng nga agbalin a palagip a ti pundasyon ti PNP ket gapu iti sakripisyo, debosyon ken panagserbi kadagiti umili.
Innayon ni Remulla a saan laeng a ti kinabannuar ti SAF 44 iti rumbeng a dayawen nu diketdi uray iti inaldaw a panagtrabaho dagiti polis tapno salakniban ti biag dagiti umili.
-- ADVERTISEMENT --
