Disnudo a nagparang ni House Majority Leader Sandro Marcos iti panagdengngeg ti Independent Commission for Infrastructure (ICI) maipanggep ti mapapati nga iregularidad kadagiti flood control project.
Segun ken ni Sandro Marcos, awan ti subpoena a naipatulod kenkuana ken timmabuno isuna tapno makatulong iti imbestigasion ti ICI.
Inwaragawag pay ni Marcos a nakasagana a sungbatan dagiti amin a damag kenkuana ken mangipaay ti aniaman nga impormasion a makatulong iti panangpalawag iti nasao nga isyu.
Kiniddaw ti kampo ti agpampanday-linteg ti executive session, banag a dagus a pinalubosan ni ICI Chairman Andres Reyes Jr.
Maipanggep ti pammabasol ni dati nga Ako Bicol Party-List Representative Zaldy Co ken ni Marcos, nainget a pinaglibakanna ken impaganetgetna nga awan ti ammona iti aniaman nga anomalia.
Manamnama a mangiruar ti rekomendasion ti komision kalpasan a makumpleto ti testimonia dagiti opisyal a maim-imbestigaran. Augie Arellano
