Pinasingkedan ni Rep. Martin Romualdez nga agikkaten a House Speaker tapno maikkan gundaway iti independent investigation iti mapapati nga anomalya iti flood control projects kalpasan a nairaman iti naganna ken dadduma pay nga agpampanday linteg iti nasao nga isyu.
Immunan nga inamin ita a bulan dagiti agasawa a contractor a Sarah ken Curlee Discaya a karaman ni Romualdez ken dadduma pay nga agpampanday linteg, ken public works officials iti makaaw-awat kickbacks manipod flood control projects.
Nainget a pinaglibakan ni Romualdez ti akusasyon ken inlawlawag dagiti Discaya nga awan iti direkta a koneksyonda iti Leyte representative.
Segun ken ni Romualdez, agikkat kas Speaker tapno maikkan ti Independent Commission for Infrastructure iti nawaya, awan panagdudua, awan iti makalapped ken awan iti mangimpluwensya iti imbestigasyon.
Impaganetgetna nga awan iti makalapped ken awan iti makibibiang iti imbestigasyon ta rumbeng a mabay-an a mairuar iti kinapudno ken maipaay iti hustisya.
Inlawlawagna met a saan nga agikkat tapno sumuko nu diketdi para iti serbisyo ta ti kasayaatan a maaramid iti lideratora ket iti panangibbat.
Immunan nga impakaammo ni House Deputy Speaker Ronaldo Puno iti Antipolo nga inkeddeng ni Romualdez nga agikkat a House Speakership ta kayatna a maisalbar iti reputasyon iti kamara.
