--Ads--
Binabalaw ni House Assistant Minority Leader ken Gabriela Women’s Party Rep. Sarah Elago ti panangwaswas ti Sandiganbayan Third Division iti kaso da Chief Presidential Legal Counsel Juan Ponce Enrile, dati a chief of staff-na a ni Atty. Gigi Reyes, ken Janet Lim-Napoles iti sangapulo ket lima a bilang ti graft cases mainaig iti Priority Development Assistance Fund scam.
Segun ken ni Elago, daytoy ti langa ti bulok a hustisia iti pagilian ta makalibas latta dagiti naturay.
Kunana nga awan ti pagdumaan ti PDAF scam idi iti flood control scam ita nga agpada a sistema ti anomalya ken korapsion.
Inallukoy ti kongresista dagiti umili a saan nga agulimek ken palawaen pay dagiti protesta kontra iti korapsion iti pagilian.
-- ADVERTISEMENT --
