VIGAN CITY- Saan a nasakit ti nakem ni ABS – partylist rep. Eugene De Vera kenni Quezon Rep. Danilo Suarez ngem inlawlawag na a saan nga isuna ti nangtallikod kadakuada no di ket isuna ti tinallikudan da.
Ti ekslusibo a pannakaiuman ti Bombo Radyo Vigan, inlawlawag ni De Vera nga idi immuna pay laeng ket kiniddaw nan kadagiti kakadwa na iti minority group a saan da nga agbotos ti baro a house speaker ta magulo ti minorya nga isu ti mapaspasamak iti agdama.
Inlawlawag met ti agpanpanday linteg a karbengan na nga alaen iti grupo a binukel da dati a House speaker Pantaleon Alvarez ken dati a house majority leader Rodolfo Fariñas ta nagapplikar da ken kasapulan na ti nayon a miembro ta tinallikudan isuna dagiti kakadwa na ti minority nga itan ket adda iti majority.
Inpaganetget ni De Vera nga isuna ti legal nga acting minority leader kas maibasar iti house rules ta ti grupo da laeng ti bigbigen ti korte suprema ken isuna laeng ti saan a nagbotos kenni Pampanga representative Gloria Macapagal Arroyo kas baro a house speaker.
