--Ads--
Dimmur-as iti 2 percent ti cash remittances dagiti overseas Filipino workers, katukad iti $2.71 billion idi Mayo no ikumpara iti isu met laeng a bulan idi napan a tawen, segun iti Bangko Sentral ng Pilipinas.
Numan pay daytoy ti kabuntogan a panagdur-as iti uneg ti uppat a tawen, nagtalinaed a natibker ti pakabuklan a remittances.
Manipud Enero agingga Mayo, umaboten iti $14.11 billion ti cash remittances, idinto a $15.4 bilion met ti personal remittances.
Segun kadagiti ekonomista, agtultuloy a supsuportaran dagiti OFW remittance ti ekonomia, ngem mabalin a maapektaran ti panagdur-s gapu iti nangato a gastos iti sabali a pagilian.
-- ADVERTISEMENT --
Namnamaen ti BSP a dumur-as ti cash remittance iti 2.7 percent ita a tawen ken 3 percent inton 2027.
