Kinumpirma ti Department of Justice a naawat dan ti referral manipud CIDG-PNP ti rekomendasion ti panagipila ti kaso kontra kadagiti sumagmamano nga indibidwal mainaig iti napasamak a pannakalmes dagiti dua nga Ateneo student athlete a da Rene “Bobet” Baterbonia ken Divine Adili.
Segun iti DOJ, ti rekomendasion ket para iti panaglabsing iti Republic Act No. 11053, wenno ti Anti-Hazing Act ken dadduma pay a panaglabsing a mabalin a paneknekan ti ebidensia ken maiyannatop a linteg.
Pinasingkedan ni Justice spokesperson Atty. Polo Martinez, iti agdama ket dumalan pay laeng iti panagsukisok ti referral ti DOJ tapno maammuan no kumpleto ken naan-anay dagiti naipasa nga ebidensia para iti nayon a proseso.
Impasigurado ti DOJ iti publiko ti napardas ken patas a panagsukisok kas panangsurot iti ebidensia, iti linteg ken iti maiyannatop a proseso.
