VIGAN CITY- Maragasakan ni Kabayan Partylist Rep. Ron Salo a kalpasan ti nasurok maysa a tawen ket inbabawin ti Kuwaiti Government iti inpatungpalda a “ban” wenno saan a panangted ti entry visas ken worker visas para kadagiti Pilipino.
Natalek ni Salo a babaen iti daytoy ket ad-adda a mapapintas ti labor relations iti nagbaetan ti Pilipinas ken Kuwait.
Segun pay kenkuana, basar iti rekord ti Philippine Embassy, adda 245,000 a Filipino Workers ita idiay Kuwait, nababbaba iti 268,000 Filipino workers sakbay a naipatungpal ti Recruitment ban.
Ngem iti laksid iti addang ti Kuwait, impakaammo ti Department of Migrant Workers (DMW) a saanda a palubosan dagiti first-time domestic helper idiay Middle East.
Maipalagip nga idi Mayo idi napan a tawen, insuspenso ti Kuwait ti panangted dagiti baro a visa para kadagiti Pilipino gapu ti napasamak a pammapatay ti Pinay domestic helper a ni Jullebee Ranara.
Gapu dayta, insardeng ti Pilipinas ti nangipatulod kadagiti first-time workers idiay Kuwait.
