Inallukoy ti Quaipo Church dagiti deboto a saan nga awagan ti “Itim” na Nazareno ti ladawan no di ket “Poong Hesus Nazareno”.
Inlawlawag dagiti opisial ti simbaan, ti desision ket naibasar kadagiti historical consideration.
Segun kadagiti opisyal, saan pay a nalawag ti nagtaudan ti termino nga “Itim na Nazareno” wenno “Black Nazarene” ken kayat ti simbaan a padayawan ti pudno a nagan ni Apo Jesus babaen ti panangikkatna iti balikas nga “Itim” ken agsubli iti orihinal a “Poong Hesus Nazareno.”
Kabayatanna, maawagan met ti Simbaan Quiapo iti Basilica Minor ken National Shrine ni Jesus Nazareno wenno Minor Basilica ken National Shrine ni Jesus Nazareno.
Napasamak ti pannakapabaro sakbay ti 2025 Feast of Jesus Nazareno, maysa kadagiti mapadpadaanan a religious event iti pagilian.
