Quiapo Church, ‘all set’ iti Traslacion inton Enero 9

Nakasaganan ti Quiapo Church iti umadani a Traslacion para iti kapiestaan ni Jesus Nazareno inton Enero 9, 2026.

Iti pannaki-uman ti Bombo Radyo Vigan ken ni Fr. Robert Arellano, addadan iti execution phase ken ipatpatungpalda amin itan dagiti insaganada kalpasan ti innem a bulan.

Sipud Biernes ket kunana nga adun dagiti agsangpet a deboto a mapan umagep iti rebulto ni Jesus Nazareno.

Kabayatanna, pinalagipan ni Fr. Arellano dagiti makipaset iti kapiestaan a maiparit ti agitugot iti natadem a banag. Saan nga agitugot kadagiti banag a saanen a napateg ta nasaysayaat no bagi laeng ti itugot tapno naannayas ti iseserrek iti simbaan agsipud ta no adda amit ket maidalan pay laeng iti inspeksion a mabalin a makataktak iti annayas ti kapiestaan.