Nasurok 200 nga indibidwal ti nagunggonaan iti napasamak a Purok ti Kalusugan Program iti Barangay Ambolugan ili ti Narvacan.
Iti pannakiuman ti Bombo Radyo Vigan ken ni Barangay captain Lolita Cristal, karaman iti programa ti free dental services, blood monitoring, nutrition assessment, distribution of free medicine, PhilHealth YAKAP registration, consultation services ken dadduma pay.
Pinasingkedan ni Cristal a saan a daytoy iti umuna a gundaway a mapasamak ti programa ngem impaganetget na a daytoy ti kapintasan ken kasayaatan gapu ti kina-adu ti serbisio a naipaay.
Nagbalin a balligi ti programa babaen ti suporta ti lokal a gobierno ti Narvacan ken babaen kadagiti kameng ti Rural Health Unit ti ili nga isu da ti nangidanon kadagiti agduduma a serbisio.
