VIGAN CITY- Imimbestigaran dagiti otoridad iti maatap a panaggatangan ti botos idiay Barangay Kimmalaba, Dolores, Abra kalpasan a nakakumpiskar dagiti otoridad kadagiti pulyetos nga adda naipasigpit a kuarta.
Segun kenni PS/Insp. Grace Marron , information officer ti Abra police provincial office, inreport kadakuada ti concerned citizen a ni Gerald Valera, residente ti Poblacion, Dolores, iti mapapati a panaggatangan ti botos iti maysa a pagtaengan idiay barangay Kimmalaba.
Nagresponde dagiti kameng ti Dolores Municipal police station ket dita nga inted ni Valera dagiti pulyetos a nakainagan kenni Jacinta Tuzon, kandidato para iti barangay kagawad, a nasigpitan ti kuarta nga iti pakabuklan a gatad na ket P11,450.
Nakalibas met ti suspek a mapapati a nangiwaras ti pulyetos nga adda kuarta na a nabigbig a ni Robert Timbreza, residente iti barangay Kimmalaba.
