VIGAN CITY- Mapatta-patta nga umabot iti sangagasut a ribo a pisos iti inisyal a gatad iti nadadael iti pannakauram ti pugon ni Antonio Baniaga nga agtawen iti lima pulo, naasawaan, mannalon ken agnaed idiay Bagbagotot, Banayoyo idi kalman iti bigat.
Segun ken ni FInsp. Alvin Christopher Bondad, mangidaulo ti Candon City fire station, nakaawat da ti tawag manipud iti Banayoyo municipal police station inaig iti uram idiay Barangay Bagbagotot isu a nagresponde da nga insigida ngem immun-unan a nagtitinnulong dagiti karruba da Baniaga a nangsebseb iti apoy a nangkayamkam iti pugon.
Nagpaot iti sangapulo ket pito a minutos iti panangdepdep da iti uram ngem ti laengen nabati ket iti konkreto a hollow blocks iti aglawlaw ti pugon ta nauram amin a paset na gapu ti kadaras na a nagwaras iti apoy.
