--Ads--
Maysa a pugon ti tabako ti nauram idiay Sitio Padual, Barangay Pug-os, Cabugao, Ilocos Sur.
Ti pugon ket kukua ti maysa a lalaki nga agtawen iti uppat a pulo ket maysa, mannalon, agnaed iti nasao a lugar.
Nakaawat ti Bureau of Fire Protection iti nasao nga ili iti report nga adda maur-uram a pugon iti lugar.
Dagus a nagresponde dagiti bumbero ket nadanonanda a maur-uram ti pugon nga agrukod iti 5 meters by 6 meters.
-- ADVERTISEMENT --
Nagpaot iti 10 a minutos ti pannakadepdep ti uram agraman ti mopping-up.
Naaramid iti light materials ti pugon babaen iti kayo ken galba nga isim.
Awan ti nadangran iti nasao nga uram ken mapatta-patta a P100,000 ti nauram.
