--Ads--
VIGAN CITY – Innem a pulo ribo a pisos iti pakabuklan a gatad dagiti nadadael iti pannaka-uram ti pugon idiay Barangay San Andres, Candon City idi alas syete baente idi rabii ti April 5.
Ti nasao a pugon ket kukua ni Solomon Liwes nga agtawen ti 62, naasawaan, mannalon ken agnaed iti nasao a barangay.
Malmalpasen iti panangluto ni Liwes iti tabako iti uneg ti pugon idi mapapati a simged iti tuktok ti pugon na isu a nagpatulong kadagiti kaarruba na ket isudan iti nagpaarayat kadagiti kameng ti Bureau of Fire Protection – Candon City tapnu madepdep iti apoy a nagkayamkam iti nasao a pugon.
Nadepdep iti uram ket naideklerar a fire-out idi alas syete trenta y sais iti rabii.
-- ADVERTISEMENT --
