Sumango man wenno saan ni Vice President Sara Duterte kadagiti impeachment complaints, awan ti maganab ti publiko, segun ken ni dati a chief presidential legal counsel Salvador Panelo.
Pinasingkedan ni Panelo nga awan kadagiti umili ti adda maganabna ta ti interes iti puesto ti as-asikaswen dagiti lider ti pagilian ken inladawanna dagiti tignay para iti impeachment a political agenda.
Maipalagip a nagipasan dagiti kameng ti dadduma a civil society organizations iti dua nga impeachment complaint kontra ken ni Duterte, inendorso ni Akbayan Rep Percival Cendaña ken Makabayan bloc lawmakers Rep France Castro, Rep. Raoul Manuel, ken Rep. Arlene Brosas.
Ti nagibasaran iti reklamo ket ti “betrayal of public trust, culpable violation of the Constitution, graft and corruption, bribery, ken dadduma pay a high crime.
