Indeklarar ni President Ferdinand Marcos Jr. iti ad-adu pay a local holiday ita Hunyo ken Hulyo para iti panagrambak dagiti piesta ken founding anniversaries iti agduduma a siudad ken ili.
Pinirmaan ni Executive Secretary Lucas Bersamin iti sangapulo ket tallo a proklamasyon ken impablaak iti Official Gazette.
Ti Proclamation No. 931 ket naideklarar ti June 25 nga special nonworking day idiay Sabangan, Mountain Province para ti selebrasyon iti 62nd founding anniversary-da.
Special nonworking day met ti isu met la nga aldaw idiay Calanasan, Apayao iti salinong ti Proclamation No. 932 iti 62nd founding anniversary-da.
Ti Proclamation No. 933 ket nagbalin nga special nonworking day iti Hulyo 1 idiay Pangantucan, Bukidnon para iti maika-63 founding anniversary iti ili.
Iti isu met la nga aldaw ket special nonworking day iti uppat pay a lugar a kas idiay Maramag, Bukidnon babaen ti Proclamation No. 934 para iti 69th founding anniversary; Proclamation No. 935 iti special nonworking day idiay San Carlos City, Negros Occidental para iti maika-65th charter anniversary; special nonworking day idiay Kibawe, Bukidnon; ti salinong ti Proclamation No. 936 para ti 69th founding anniversary; ken Proclamation No. 943 iti special nonworkiung day idiay Dipolog City para iti 112th founding anniversary.
Special nonworking day met iti July 15 idiay Mauban, Quezon babaen ti bileg ti Proclamation No. 935 para iti aldaw ti Mauban ken iti isu met la nga aldaw ket special non working day iti Cordillera Administrative Region iti salinong ti Proclamation No. 939 para iti 38th founding anniversary-da.
Kasta pay ti Proclamation No. 938 a mangideklarar iti July 18 kas special nonworking day idiay Digos City, Davao del Sur para iti Padigosan Festival.
