PTAA, pagan-annaden da ti publiko kadagiti fake bookings ita a summer season

Pagan-annaden ti Philippine Travel Agencies Association (PTAA) ti publiko kontra iti fake bookings ita summer season.

Segun kadagiti nadumaduma a grupo, adu dagiti peke a booking ket mai-rehistro iti agduduma a social media sites.

Palagip ti PTAA inbound Committee Member Fe Abling Yu kadagiti ag-bakasion a siguradoen a lehitimo dagiti makapat-patang ken adda agpayso a lehitimo a contact number ken actual address.

Sakbay nga agipatulod ti bayad para iti scheduled vacation, masapul a beripikaen pay umuna dagituy kas ti panagsapol ti background, business information ken dadduma pay.

Inaramid ti PTAA ti ballaag kagiddan ti manamnama a panagado ti ag-bakasion ita a summer season a posible a gundawayan met ti fake booking sites ken dagiti scammer.