VIGAN CITY – Nakapagpyansan ni datia Negros Oriental Governor Pryde Henry Teves kalpasan a kinemmeg dagiti otoridad gapo iti kaso a terrorism financing.
Segun ti report, sigod a nawaya-wayaan ni Teves kalpasan a nakapyansa ti 600,000 pesos a gatad para iti tallo a bilang ti panaglabsing ti Terrorism Financing Suppression Act of 2012.
Malaksid kenkuana, agpada a kaso ti sangsangwen met ti kabsatna a ni sigod a Negros Oriental representative Arnolfo Teves Jr ket inpakaammo ti Department of Justice a sumangsango ti deportation proceedings idiay Timor Leste ni Arnie Teves.
Segun ti DOJ, adda pammaneknekda a mangipakita nga araramaten dagiti agkabsat dagiti bukodda a sanikua tapno pondoan dagiti aktibidad a mainaig iti terorismo.
Nakemmeg ni Pryede teves idiay Barangay Taclobo, Dumaguete City, Negros Oriental. Kalpasan a naibilang pay isuna kas most wanted person iti Provincial Level No. 1 ken Regional Level No. 1.
Maipalagip nga inbilang ti Anti-Terrorism Council a terorista ni Teves idi August 2023 kadwana ti kabsatna ken ti sangapulo ket maysa nga indibidual.
