--Ads--
Impasigurado ti National Grid Corporation of the Philippines (NGCP) nga agtultuloy da a papigsaen ti transmission network iti pagilian.
Kasaruno daytoy ti bilin ni Presidente Ferdinand Marcos Jr. iti Department of Energy a kitaen ti kasasaad dagiti agdama a proyekto ti NGCP.
Agtultuloy ti panangipatungpal da ti kritikal a transmission projects tapno marisut iti dumakdakkel a demand ken masuportaran ti integration dagiti baro a planta ti kuryente ken renewable energy sources.
Kabayatanna, nakalukat met para iti NGCP ti panang-pokus ti gobierno iti sektor ti enerhiya ken ti panawagan para iti naintiempuan a panagirruar dagiti permit ken saan a naitantan a right of way access tapno napardas a makumpleto dagiti kangrunaan a transmission projects.
-- ADVERTISEMENT --
