--Ads--
VIGAN CITY – Addan iti naaramid a Provincial Vaccination Plan para dagiti addang a maisayangkat no man bilang a sumangpetton dagiti bakuna kontra covid-19 iti Ilocos Sur.
Iti pannaki-uman iti Bombo Radyo Vigan ken ni Governor Ryan Singson, umabot iti limapulo ket uppat a panid iti nagbalinan iti nailatag a plano para iti vaccination program iti probinsia.
Ti bakuna a gatangen ti provincial government ket ti Aztrazeneca ngem manarimaan pay iti pannakikamayetda iti Covid-19 Task Force- Ilocos Sur iti dadduma a pharmaceutical companies para iti panaggatangda iti bakuna.
Siam a freezer pay ti kasapulan a pakaipanan dagiti bakuna tapno mapagtalinaed iti kinatalged ken temperatura dagiti nasao a panglaban kontra covid-19.
-- ADVERTISEMENT --
