VIGAN CITY- Inapparubaranen ti Sangguniang Panlalawigan Board ti Ilocos Sur iti Provincial Traffic Route Plan a maysa kadagiti requirement ti Land Transportation Franchising and Regulatory Board (LTFRB) tapno apprubaran ti kiddaw ti provincial government a nayunan ti ited da a prangkisa kadagiti Public Utility Vehicle (PUV) ken mini bus.
Segun kenni Sangunniang Panlalawigan board member Mildred Elaydo, chairman ti Committee on Transportation , no maapprubaran ti kiddaw ket 170 a PUV ken 20 a minibus iti maikkan ti prangkisa.
Dagiti nasao a public vehicle ket agbyahe ti Abra to Vigan; Vigan to Sinait and vice versa; Vigan to Sta maria- vice versa; Sta. Maria to Tagudin-vice versa; ken Candon to Baguio –vice versa.
Babaen iti nasao nga addang ket maikkat dagiti kolorum a pampubliko a lugan nga agpaspasada.
